Cantu D'amuri Letra

S'astutò* l'urtima luci intra a stanza di Rusidda
E si senti già la vuci di la prima ranni stidda,
affucata intra un celu ca un ci duna cchi parlari,
ca ci attacca manu e pidi e un la fà mancu vulari.

S'astutò l'urtima luci sgagghiò a cira da cannila,
e già dormi sapurita intra i sò bianchi linzola
mentri sonna ddu picciottu c' ha taliava* da vanedda
e affunnava li sò occhi e i sò pinsera ne dda stidda.

Ccu stu focu russu e forti rusicasti* st'arma mia
Cumu 'u suli a menziornu quannu annorba* lu viddanu,
cumu a fafa intra 'u furnu ca nun grida e si calìa*

accussi fuiennu adasciu* iu t'ammucciu* 'ne na manu
(e ccu l'atra t'arriparu ripigliannu 'u me caminu),
cumu fiamma ca un s'astuta pirchi tu cci dù la vita.



*si è spenta;
*Guardava;
*Hai corroso;
*acceca;
*brucia
*scappando lentamente;
*ti nascondo


(Thanks to Mario Incudine for these lyrics)