Letra de Abballu

Testo di Mario Incudine
Musica di Mario Incudine e Franco Barbarino

Pigghia stu cappeddu e iettalu 'nto mari
accarizza e fa sunari pelli di tammuri
cordi i mannulinu, petri fatti 'i sali
va circannu varchi rutti e pezzi di banneri.

St'occhi pezzu 'i celu, no, nun l'astutari
Ca fannu grapiri e chiuiri li pinseri,
mettiti a ballari ccu li pedi nudi
pigghiati li fimmini e vacci sutta li fadali.

Pigghia stù tammuru e lassiti iucari
Di la vita ca nasci e mori comu fa lu suli,
arrobiti li stiddi ca 'ncelu un fanu guerra
però duna akkura a un finri 'nterra.

St'occhi unni di mari, lassili sbrizziari
Talia di luntanu 'u ballu di centu galeri,
mettiti a ballari...perciami lu cori
ccu 'na manu 'o sciancu e l'atra spinci lu fadali.

Fammi abballari e sciogliti sti trizzi
ca su mi vasi di mortu anniviscissi
'ncapu un pedi sulu abballassi
senza vinu, ccu tia mi 'mbriacassi.

Pigghiami sti manu e lassiti firriari
comu fa lu ventu ccu li nuvuli d'aprili,
gira 'a tò vistina, suli 'i stà cuntrata
l'aria s'annetta, siddu è annivulata.

Stringiti a lu pettu quannu veni a sira
Dumani 'i tò manu ppi jucari ccu la luna,
cc'a so luci bianca 'ntra stu celu scuru
idda è l'argentu e tu ppi mia si l'Oru.

St'occhi unni di mari, lassili sbrizziari
Talia di luntanu 'u ballu di centu galeri,
mettiti a ballari...perciami lu cori
ccu 'na manu 'o sciancu e l'atra spinci lu fadali


(Thanks to Mario Incudine for these lyrics)