Letra de Osteria
‘na bela bira fregia a l’era ‘dree gustaa,
cul gumbat al tuca dentar tüt al volta la,
lenguascia cuntra ul taul e alura gio a sciuscià,
la mana del ciel l’è minga roba de strasà !!!
 
tücc insema in fund la via,
quater pass in cumpagnia,
un amar el ta cata la mania,
cunt i amis in usteria !!
 
 
del bancon do colteladi, varda l’ost va che bel
salam di bei taiadi,       salam, giambun, purscel !!
e via ‘n televisiun, e gio a bef barbera,
mondial de balun, l’e’ tüt gris de la fümera !!
 
tücc insema in fund la via,
quater pass in cumpagnia,
un amar el ta cata la mania,
cunt i amis in usteria !!
 
 
ul veget ciuchetaa      el cunta la sò storia,
la fam, la guera, tuta a sò memoria
un quai giuin ga rid adree, un quai alter capiss nagot,
giuentù malinquadrada, discutech, pastich, casot !!
 
tücc insema in fund la via,
quater pass in cumpagnia,
un amar el ta cata la mania,
cunt i amis in usteria !!
 
…..a bef!!!!!!!!!!!!