Camina E Curri Letra

la vita è sciatu chi camina avanti
Camina e curri ‘znina ca u pò fari
ca l’omu nun è fattu ppi li celi
e Icaru pi lu spinnu di vulari
squagghiò i sò ali e sulu iu a muriri.
Camina curri e nun pinzari a nenti
ca ogni parola è cuda di serpenti
ca campa puru si la testa mori,
è scantu, raggia, anima e duluri,
e ogni passu isa pruvulazzu
e ti ritrovi sulu intra un puzzu
chiusu dda intra a forza ‘i vastunati
siccatu comu n’arbulu ‘nta ‘stati.
Caminna curri ca la strata è longa
ca ‘a storia nun si scrivi ccu la pinna
e arreti a ogni petra c’è lu sangu
du cu ha passatu prima ‘nta stù ‘nfernu,
e ieri è sulu acqua di funtana
ca curri e scurri comu ‘na lavina
e ppi dumani un ci sù pintimenti
la vita è sciatu chi camina avanti.