Tide Lines
Co-thràth
Trobhadaibh uile gu dachaigh ar cridh'
Gun àite fo shealladh sam b' fheàrr leinn a bhith
Gu dùthaich a' mhachair, gun riasladh neo strì
Trobhadaibh uile gu dachaigh ar cridh'
Ar cridhe, cridhe,
Ar cridhe gu dachaigh ar cridh'
Camhanaich 'g èiridh mar bhàrr air an loch
A' goil le chuid èisg, a-nochd bhios 's a phoit,
Na m' bhalach 's a chidsin tro ghàire is toit
'S ann dluth ris a chianalas a tha mi a-nochd
Tha an t-àite seo dhomhsa mar sheanair do chloinn
Le teaghlach mòr farsaing: am machair 's a bheinn
O thig an droch thìde le tàirneanaich 's tuinn
Ach thig sinn ri chèile le òran ri sheinn
Mo ghaol tha e diongalta 's chì mi am feart
Bheir turas dhomh slànachadh dealbh dhomh neart
A' deilbh nan sreangan 's a' taghadh nan càird
A' fighe ann an dathan le beartas nan beairte
Dlùth ris an fhearann seo dìleas gu bràth
Ach chunnaic i ginealaich a' dìreadh 's a dh' fhàg
Nuair thig m' àm 'son fàgail 's mi 'n dòchas nach tràth
Bidh rionnag a tuath deàrrsadh na mo cho-thràth.
From Letras Mania