Print

Sü questa strada, sü questa strada, una cürva al giazz e una cürva al suu L'è questa strada che la rampèga, quèla dei nòni e di mè neùu Sun stàa luntàn per troppi ann, ho lauràa e maià foe tü-coos E questa schèna de tartarüga, sü questa strada la porti a ca' La nòcc l'è fregia, la nòcc l'è scüra, ma una fiammàda la sbranerà Mila büceer cumè autoscontri e anca 'l Zepp el brüserà E questa sira gh'è piü 'na lengua, gh'è piü 'na facia, gh'è piü un mesctee Dumà una vesctii, una buteglia e questa maschera de legn Taca la baraùnda, curiànduli cuntra i pensèe Intant che 'l Brütt el dunda, el Bell fa vedè 'l butascc D'ennanz gh'è 'l Mascheròn, sübit dopu la Segürtà De dree i düü Sapoeur, dumà la Ciocia la parlerà Ai gàbul de la tua vita, te ghe penzerèe duman Podet mea scapà del Carnevaal de Schignan Tütt el paes el ga veert la porta e ogni porta la g'ha dent queivoen Gh'è piü urelòcc, gh'è piü campana, solo bronze, petardi e s-ciopp E questa maschera che me scuund, la tegni fissa, la molli mai L'ünica facia che g'ho l'è questa, perché quel'oltra 'l soo piü induè l'è La vedi riit, l'è rispusada, la paar cuntenta, la troevi bee Chissà i fioeu, se s'hinn vestii, se g'hann la maschera anca i neùu Ghe voo vesèn, la branchi scià, per trii menütt la foo balà Nissoeuna maschera cambia facia, anca se sutta gh'è un omm che piaancc Letras de canciones Taca la baraùnda, curiànduli cuntra i pensèe Intant che 'l Brütt el dunda, el Bell fa vedè 'l butascc D'ennanz gh'è 'l Mascheròn, sübit dopu la Segürtà De dree i düü Sapoeur, dumà la Ciocia la parlerà Ai gabul de la tua vita, te ghe penzeree duman Podet mea scapà del Carnevaal de Schignan Sü questa strada, sü questa strada, 'na cürva al giazz e una cürva al suu L'è questa strada che la rampèga, quela dei nòni e di mè neùu Turni luntàn un oltru ann, voo a lauràa e maià foe tü-coos E questa maschera intagliàda, anca stasìra... la porti a ca' From Letras Mania