Surghjenti
U Francà Di I Staghjoni
Spadanscia a me muntagna suttu à a vampa di lu soli.
U mintrastu 'llu so adori incurunighja lu matticciu
Chì s'infiara supra à a frasca 'llu manteddu castagnicciu
À sinu à la rinfriscata di una nuttata di foli,
Cù l'eternu passatempu di lu celi di l'istati
Chì m'arriga lu sirenu 'lli so steddi suminati.
Invechja a me muntagna in un vistitu russicciu.
U muscu di i meli, posti in a filetta sicca,
Accarezza incù dulcezza u paesu chì rinfrisca
Gudendu si lu raghju di u soli tricaticciu,
Quandu a sarra pianu pianu si tira un velu grisgignu
Nantu à a vaddi chì cuntrasta incù lu chjarori vicinu.
S'ingrunchja a me muntagna suttu à a nivi chì si chjina.
À l'aggrottu di lu vetru, affuscatu di vapori,
Schjuppittighja un biacculonu chì rigala u so calori ;
Al di fora u celi grisgiu pari falà ni in pulvina.
U cunfortu di una casa ghjeiu sò quant'iddu vali
Quandu in un dulci silenziu s'accampa lu timpurali.
Rinvivisci a me muntagna in una carezza verda.
L'amanduli sbucciati chjamani li biniditti,
Letras de cancionesCola lu russu suchjosu 'lli chjirasgi amaretti,
Luntanu frivaghju scuru è li so ghjurnati friti !
Da tandu un sulcu tiratu dà spiranza à li me sogna :
Imbiddisci mi la vita chì accarezza li me ghjorna.
Ùn muta la me muntagna franchendu tanti staghjoni.
Ghjeiu invechju à fiancu à idda fendu li da tistimoniu,
Tutti l'anni chì s'ammansani maturiscini u me campà,
È cun tegu, a me cumpagna, quiddu mondu voddu varcà.
From Letras Mania