Bläck Fööss
Kölle Am Rhing
Wo litt kriesche un laache janz noh beienein
wo föhlt d'r Ali us Neppes sich manchmol doheim
wo heißen Kinder schon Pänz un d'r Adel einfach Schmitz
wo mäht m'r jän üvver and're anstatt üvver sich selfs blöde Wetz?
Refrain: Kölle am Rhing, he ben ich jebore
ding Minsche, ding Art han mich jeprääch all die Johre
mi Kölle am Rhing.
Wo litt neide un jönne janz noh beienein
wo säht m'r links un meint räächs, wo kritt m'r Jroße flöck klein
un wo es lüje kein Dudsünd un Moral wie 'ne Scheck
dä m'r usschriev doch mihtstens es hä nit jedeck.
Refrain: Kölle am Rhing ...
Ding Sproch die es hätzlich, aggressiv un och weich
un wä frööch, dä kritt Antwoot, die heiß mihtstens "vielleich"
du bes Jroßstadt, charmant, doch verletzend zojlich
ich künnt kriesche, doch irjendwie do stonn ich op dich.
Refrain: Kölle am Rhing .. (Dank an Erry für den Text)
From Letras Mania